Cattialtu :Thawng Lin
Dear careltu hawi dawt hna,
Kan pa,Pu Lian Uk nih " Than Shwe hi damiah a si ko" tiah fiang tein a vun tial mi ka rel ve tik ah a dik ngai mi thil a si tiah ka ruah ve i kei zong ka theih mi le ka hngalh mi tete vun langh ter ka lung ah a vun chuak ve. A rel huam mi caah tiah.
Kei tu nihcun, " Than Shwe hi damiah a si tinak in Kawlralkap cozah hi damiah an si ko" ti tu in ka ti hnga. Ziah;ti ahcun a ho an si paohah an kalpi mi phunglam cu an i khah dih ko caah a si. Cun, Saw Mg sin i AANA an chuh lioah hin Than Shwe hi tainghmu a si ti lo, duh-chuah (vice-chief of staff) a si cang. Mg Aye tu hi (ya-pa-kha tainghmu ) a rak si.
Saw Mg nihhin mipi sin i AANA hluai a rak i timh lio ahhin," Ralkap kan rian cu ral do a si ko,ral do awk a um lo a si ahcun BARRACT ah BEER din pahin BILLIARDS kan i kah awk a si ko." tiah fiang tein ralkap rian kong hi a rak chim. Cu ti a chim tlawmpal ah kawlram chung i an PURA minthang vialte biak awk ah khual a rak tlawng. Cu khual a rak tlawn lioah cun a hnu in Than Shwe le a phu pawl zong PURA biak ah cun khual cu an rak tlawng ve. Cu lioah cun Khin Ngunt te pawl nih AANA chuhnak khua cu an rak khan diam cang,Ne Win he.
Saw Mg cu Khual a tlawnnak cun a hung tlung i a thaizing zing cu zung kai ah a va ithawh i zung a phanh bak ah an rak dawn i," na rian in naa din cang " ti a si colh ko. Mipi sin tu ahcun," Saw Mg cu a ngan a dam lo i a ngan a dam tiang a rian in aa din chung." tiin thawng an rak thanh ziar. Kha lio i rian an rak tuan le AANA chuh nak khua an rak khan mi tehna kha ralkap chung i an chim ning a si ahcun, Than Shwe nih hin zeihmanh rak theih dawh a si lo.
Khin Ngunt le Ne Win khuakhan nak a si an rak ti ko. Than Shwe hi zei IDEA hmanh a chuah kho mi le thil a tuaktan kho mi a si lo lengah mah lio can ahkhan cun, NA-WA-TA ahkhan NE WIN nih nawl a rak ngeih tuk hna liote a si rih i,Ne Win nih INDIRECT in a rak uk hna lio a si rih fon. Than Shwe hi 'kingkuar' bantuk thluak ngeilo le 'kinglang' bantuk lusuk lawng thiam mi a si tiah an ti tawn mi a si. O.T.S ( Military Officer Training School) i training a rak kai lio zongah hin lawdorbik ( LAST CADET) in a rak tum mi a rak si.
Ralkap chung i an phai tawn ning ahcun," Than Shwe tham cu siikan a ngeih tuk ruang le nawl a ngaih tuk ruangah pei a reng a kai lengmang i a si ko cu;zei hmanh a theih mi le a thiam mi a um tung lo,'kinglang' bantuk i lusuk dah ti lo cu." Cun, " A hlan ahcun a cunglei i an pek mi nawl bia kha pello tein a rak ngai i, a tu cu a lubik a si cang caah a cunglei in nawl a pe tu an um ti lo i a tanglei i an pek mi nawlbia a ngai than cang." tiah capo biatak in an chim tawn. A nupi zong khi 'PA U' mi phun a si ve i ca zong fangkhat te hmanh a thiam lo mi a si ve. A hlan ahcun a min ah," Daw Ciang: " ( khaubok) a rak si i kakuaizi usichuah a si tlawmpal ah " Daw ciang ciang " tiah Khin Ngunt tenih an rak thlen piak than mi a si. Cun, Than Shwe hi (duh-chuoh) a si lio zongah le (tat-chuoh) a si hnu zongah zunthlum zawtnak le thithlum zawtnak in vuihnihthum pension a sawk i Mg Aye a kai sual lai ti an phan ruangah Khin Ngunt te nih an nawl than i cabinet nih an cancel piak than lengmang ti zong a si.
Cun,Mg Aye hi Saw Mg sinin AANA an rak chuh lio ahhin ( ya-pa-kha tainghmu)(Taungkyi) lawng a rak si ve rih. Cun, Mg Aye le Khin Ngunt hi duh-chuoh reng caah hin ralkap chung in (Lt.col) in a cunglei ral bawi vialte kha Top secret vote in an rak thim hna i Mg Aye nih a rak tei deuh i, [duh-chuoh] (Vice-chief ) ah a rak kai. Khin Ngunt le Mg Aye hi 'chizawh le uico 'bantuk in aa ral zungzal mi an rak si. Ne Win techung an vun tlaih hna hnu,Ne Win a thih hnu in duhsah in Khin Ngunt cu an vun nek chih khoh deuh lengmang i anmah pahnih hi 'chizaw zu bawh in an rak i bawh peng ' mi an rak si. Cu ticun, Khin Ngunt Singapore a va tlawn karah khua an rak khang ve hui i a tlun le cangka in Taungoo Airport ah khual a tlawn lioah an tlaih i thong an thlak ve hoi. A cheu nihcun, NAYPYIDAW thial a duh lo ruangah nawl a ngai lo ti in an tlaih an ti ko nain,cu lawng si loin Mg Aye tunh mi rep ah aa foih zong a si thiam. Hi kong zong hi ralkap chung i an chimnak ning i a si ahcun an tlaih hnu lawngah Than Shwe nihhin theih dawh a si. Mg Aye le a mi pawl deuh nihhin a thli in khua an khan riangmaang i tlaih dawh a si thiam.
A fiang mi cu, Saw Mg sin i AANA an chuh in biatak te i NA-AA-PHA chung i rian a tuan tu le a let a thal tu bik an mintaa (Actor) cu Khin Ngunt a rak si i,Khin Ngunt an tlaih hnu cun,Mg Aye lawng te a si ko. Than Shwe nih a kaa in (si seh) a ti mi paoh cu Mg Aye nih ca (officially)in (si hlah seh) tiah a hrawh dih peng ti a si. Ralkap chung zongah Than Shwe cu AANA a ngei lo i Mg Aye lawngte nih a tlaih dih hirhiar. Vunci pawl zong nih Mg Aye tawn lai cu cakei kaa va purhnak hmanh in an tih deuh. Than Shwe tu cu a ho hmanh nih an tih lo," TIRUL " ah an rel. Cun,Khrihfa le tlangcungmi reng a kan kai ter duh lo tu le a kan hua tu hi Mg Aye hi a si bik. A tu Ralkap chung i order an chuah mi vialte khi Mg Aye nih MINI SHEET ah sign a thut hnu lawngah chuah khoh a si,bokhat,bohnih,bothum pawl reng kai ternak le thialter nak tiang in amah nih a tlaih dih.
Than Shwe tu cu "AZUUK" bantuk i an thut ter sawh sawh mi lawng asi, Kawlram chung i tatmadaw kakuaizi usiichuoh vialte lakah 'ahrut cem,amui a chia cem,AANA a ngei lo cem a si i,nawl a ngai cem le lu suk a thawng cem laksawng belte cu um sehlaw amah nih a suai dih(a lak dih) hnga' an ti. A cunglei i a ra mi nawl lawng hmanh si lo in a tanglei i a ra mi nawl vialte zong a ngai mi le a zul mi a si an ti.
A ho an si hmanhah an lam zawh mi cu an i khah dih ko caah,an zaapi tein DAMAIH lawngte an si ko caah kei cu " kawlralkap cozah hi DAMAIH an si ko " ti tu nih hin ka lung a ka hmuih deuh rua ka ti. Kaa lawm.
Source: Laiforum